Бұл сайыстың мақсаты оқушылардың қазақ тілі мен әдебиетінен білімділік деңгейлерін байқау, саралау; еңбексүйгіштік, ар – ұят секілді адами қасиеттерге тәрбиелеу; шығармашылық қабілетін арттыру.  Сайыс сегіз кезеңнен тұрды. 1.Сұрақ-жауап. 2.Тіл – ұлттың жаны. 3.Сен білесің бе? 4.Мақал-мәтел 5.Үзінді қай шығармадан алынған 6.Тұрақты сөз тіркестерінің мағынасын ашу. 7.Сәйкестік тесті 8.Ой-толғау жазу. Бұл сайыста ертегілерден үзінділер де берілді, мақал-мәтелдерді аяқтау. Жұмбақ шешу, сол жұмбақтың жауабын үш тілде айту. Қазақ тілі мен әдебиет сабағын байланыстыра отырып, қызықты сұрақтар қойылды. Тұрақты тіркестердің мағынасын ашу, берілген ертегі үзіндісінң қай ертегіден алынғандығын тауып айту керек болатын.  Сайыстың соңы сәйкестік тестпен және қорытынды ой-толғау жазумен аяқталды. Сөз кезегі әдеттегідей қазылар алқасына беріліп, «Ең білімді» топ анықталды. Жалпы сайыс оқушыларға  да, ұстаздарға да, көрермендерге де ұнады.