Қаратерек орта мектебінде 1.06.2017 жылы Халықаралық балалар қорғау күні өтті. Аталмыш мерекеге мектеп ұстаздары белсене қатысып,балаларға ұмытылмас ертеңгілік ұйымдастырды.

Ертеңгілікті мектеп директоры Куандыкова А.Б. бастады.Әрі қарай балаларды мектеп кітапханашысы Дауленова С.Ж.«Балалық шақтың белесімен»атты кітап көрмесіне,қазақ тілі және қазақ әдебиеті пәнінің мұғалімі Мусекенова Б.О. «Балалықпен қоштасуға асықпа»тақырыбында әдеби жәрмеңке өткізді.Дене шынықтыру пәнінің мұғалімі Усаев А.А. «Жарқын жазды қарсы алып,көңілденіп ойнаймыз»атты спорттық іс-шара ұйымдастырды. Сурет пәнінің мұғалімі Сарсенова А.А. «Балалар күлкісі әлемді әрлейді»тақырыбында асфальтта сурет сайысын ұйымдастырды.«Әлем балалармен ғажап» атты мерекелік концертті тамашаланды. Балалардың жүздеріндегі қуанышты көріп,балалармен бірге қуанып мектеп ұжымы да балалық шақтарын естеріне түсірді. Балалардың сазды әуендері мен флешмоб билеріне қызыға тамсанып,керемет көңіл-күймен мерекелік концертімізді жабық деп жарияладық.