Тамыз айының 7-9 күндері аралығында Қайрат орта мектебінің оқушылары еліміздің бас қаласы Астана қаласындағы «ЭКСПО-2017» халықаралық көрмесіне барып қайтты. Мектебімізден 15 оқушы және 1 мұғалім барды. Оқушыларымыз «ЭКСПО-2017» халықаралық көрмесінен үлкен әсер алып келді. Астана қаласына барғаннан кейін арнайы волонтерлер күтіп алып Астана шаһарымен таныстырды. Ең алдымен Есіл бойында жатқан Астана қаласының сол жақ жағалауымен таныстырды. Одан кейін «Тәуелсіздік монументі», «Бәйтерек», «Тұңғыш президент саябағы» т.б. жерлерді аралатты. Одан кейін «ЭКСПО-2017» халықаралық көрмесіне апарды. Ол жерде әр мемлекеттік павилиондарын тамашаладық. Ең алдымен еліміздің павилионы «Нұр әлем» павилионына бардық. Одан кейін Германия, Тайланд, Индия, Ресей, Франция, Латын-америка мемлекеттері т.б. павилиондарын араладық. Көрмені саяхаттау барысында оқушыларымыз әр түрлі ойындарға қатысып, шет мемлекет азаматтарымен суретке түсті. «ЭКСПО-2017» халықаралық көрмесінен оқушыларымыз өте үлкен әсермен, жақсы көңіл күймен оралды. Оқушыларымыздың арманы орындалды.

Тәлімгер: А.Е.Магубаева