Мектебімізде 2017 жылғы 1 тамыздан бастап дәстүрлі «Мектепке жол» жалпыреспубликалық қайырымдылық акциясы бастау алды. Бұл әлеуметтік акция «Менің таңдауым - балаларға көмек көрсету!» ұранымен өтеді. Акцияның басты мақсаты аз қамтылған және көп балалы отбасылар, жетім балалар мен ата-анасының қамқорлығынсыз қалған балаларға, оқушыларға жаңа оқу жылына дайындық кезеңінде және әлеуметтік себептер бойынша балалардың мектепке бармай қалу қаупінің алдын алу үшін көмек көрсету болып табылады. Акция барысында мектепке бармайтын балаларды рейдтік іс-шаралар мен пәтерлерді аралау арқылы анықтауға, мектепке дайындау бойынша әлеуметтік қорғалмаған отбасыдан шыққан балаларға көмек көрсетуге аса көңіл аударылады.
