Шал ақын ауданының Кеңес орта мектебінде бастауыш сынып оқушыларының арасында "Алтын күз" тақырыбында ертеңгілік өтті. Ертеңгілікке барлық сынып және бастауыш сынып мұғалімдері қатысты. Ертеңгілік сайыс түрінде өтті. Оқушылар үш топқа бөлінді. Әр топтың жетекшілері болды. Әр топ өздерін таныстыру,мәнерлеп оқу,би, көрініс, пародия, ән және сонымен қатар күзгі сән  үлгілері бойынша сайысқа түсті. Әділ бағаларын беру үшін әділқазы алқасы сайланды.Әділқазылардың әділ бағасы бойынша сайыста ерекше көзге түскен үшінші топ, І орынға ие болды. Ал қалған екі топ ІІ орынды иеленді. Ертеңгілік соңында оқушылар ата-аналары дайындаған тағамдарын ішіп, суретке түсіп, би кешімен жалғастырды. Ертеңгілікті тамашалауға келген ата-аналар өз алғыстарын айтты.