Жамбыл орта мектебінде Мұқағали Мақатаевтың туған күніне орай "Соғады жүрек" атты әдеби-сазды кеш өткізілді. Кеште ақынның жауһар жырлары оқылып, сырлы әндері шырқалды. 8 сынып оқушылары ақиық ақынның "Аққулар ұйықтағанда" поэмасын сахналады. Кезінде Мұқағали Мақатаев: "Ақынмын деп қалай мен айта аламын,
Халқымның өз айтқанын қайталадым.
Күпі киген қазақтың қара өлеңін,
Шекпен жауып өзіне қайтарамын",-деп қарапайым қазақтың қара өлеңінің жілігін шағып, майын ішті. Дегенмен, тірі кезінде өзінің әділ бағасын ала алмай кеткен ақынның әділ таразысы халық болды. Оның шығармаларын күллі мектеп оқушылары сүйіп оқиды. Мұқағали шығармаларын сүйіп оқитын мектеп басшысы Қ.М.Адыкенов оның шын мәнінде, бір туар ақын екенін оқушыларға қорытынды сөзінде таныта білді.