Бүгін Қайрат орта мектебінде 1 мамыр – 
«Қазақстан халықтарының бірлігі күні» мерекесіне арналған "Бір шаңырақ астында" атты іс-шара өтті. Қайрат орта мектебінің ұстаздары мен округтің мәдени іс-шараларды ұйымдастырушысы бірігіп өткізген мерекеге мектеп оқушылары белсенді қатысты. Мерекелік шараны мектеп директоры Е.С.Шарипов бастап, жиналғандарды мерекемен құттықтап, Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын атап өтті.Халық бірлігі мерекесі күні ел азаматтары ұлт пен ұлыстың өткен кезеңдегі тарихы мен оның сабақтарын дәріптеп, әлемдік қауымдастық тарапынан жоғары бағаланған қазақстандық татулық пен келісімді паш етеді. Мектеп оқушылары түрлі ұлт өкілдерінің киімдерін киіп, өнерлерін көрсетті.
Сонымен қатар, жиналғандар оқушылар әзірлеген әр ұлт өкілдерінің ұлттық тағамдарынан жайылған дастарханнан дәм татты.