М.Ахметбеков атындағы орта мектебінде қарттар күні мерекесі қарсаңында ұстаздар ұжымы ауылымыздың зейнеткерлеріне ашық хаттар мен шағын сый тарту етті. Әлеуметтік ұстаз Ережепова Ж.Д  мен кәсіп одағының төрағасы Абильмажинов Н.Ғ аға зейнеткерлермен сұхбаттасып, оқушылар атынан құттықтап шықты. Ардақты қарттарымыз жас ұрпаққа ризашылығын білдіріп, тиісті құрмет көрсетіп, ақ баталарын аямады.  Құрметті ардагерлер! Сіздердің бойларыңыздағы өмірге деген шексіз белсенділік, ерік-жігер бүгінгі жастарға үлгі-өнеге болып табылады. Біз сіздердің бай тәжірибелеріңіз бен шыдамдылық пен төзімділіктеріңізге алғыс білдіреміз.  Сіздерге баянды бақыт, мәнді өмір, зор денсаулық пен амандық тілейміз.