Жалпы білім беретін пәндер бойынша ғылыми жобалар конкурсы жыл сайын Қазақстан Республикасы Білім және ғылым министрлігінің бұйрығы негізінде өткізіледі.Биылғы жыл "Зерде" жобалары ерекше форматта өткізілді.Онлайн форматта ұйымдастырылған аудандық кезеңге мектеп атынан екі жоба ұсынылды.

 

  Мектебіміздің 4-сынып оқушылары Мағау Камила және Қаби Ару "Алтын ұя мектебімнің тарихы" тақырыбында сайысқа түсті.Ұстаздары Қарлығаш Қалиянурованың жетекшілігімен ұсынылған жобаның мектеп тарихы жөнінде біраз мағлұмат бергендігі анық.

Жобаның мақсаты :Патриотизмге тәрбиелеу және зерттеу жұмысына қызығушылықтарын ояту.

Қазақ тілі және әдебиеті пәні мұғалімі 

Бопанова Дана Қайратқызының жетекшілігімен 6-сынып оқушысы Мұхамеджанов Арон "Қазақ әдебиетіндегі күй аңыздары және көне аспап жетіген сыры " тақырыбында жоба қорғады.

Жобаның мақсаты:Көне аспап жетігеннің шығу тарихы және ұлттық құндылық тұрғысынан қаншалықты маңызды екенін дәлелдеу.

 

Аудандық кезең қорытындысы бойынша бастауыш сынып оқушылари Қаби Ару ,Мағау Камила белсенді қатысқандары үшін арнайы сертификаттармен марапатталды.

 

Ал , 1- орын иеленген Мұхамеджанов Аронды алғашқы жеңісімен құттықтаймыз.Алдағы облыстық турда толағай жеңістермен оралуын тілейміз.