Мектептің білім беру кеңістігіндегі маңызды бағыт – салауатты өмір салтын қалыптастыру болып табылады.Біраз жылдардан бері мектебіміз «Денсаулықты насихаттайтын мектептер» республикалық жобасын жүзеге асыруға атсалысып келеді. Денсаулық пен салауатты өмір салты - бақытты, өнімді өмірдің алғышарты болып табылатын негізгі құндылықтардың бірі.

Өз денсаулығына жауапкершілікпен қарау біздің тәрбиеленушілеріміздің табиғи ішкі қажеттілігіне айналуы керек. Осы жұмыс аясында бастауыш сынып мұғалімі Л.В. Кузнецованың іс-тәжірибесі ұсынылды. Денсаулыққа саналы қатынасқа тәрбиелеу мақсатында 3-Б сыныбының жаратылыстану сабағында «Адам ағзасын ауру мен жұқпалы аурулардан қорғау» тақырыбында тәрбие сағаты ұйымдастырылды.