16 желтоқсан-Қазақстан Республикасының Тәуелсіздік күні. Бұл мерек-еліміздің еркіндігі мен қуаттылығының нышаны болып саналады. Тәуелсіздік алғаннан бері халқымыз Қазақстанның ұлы тарихын жаңа жетістіктермен, табысты қайта құрулармен жалғастырды. 15 желтоқсан күні 5 а, 5 б сынып оқушылары арасында сайыс түріндегі сынып сағаты өткізілді. Іс-шара салтанатты түрде ашылды, оқушылар  Отанымызға арналған ән айтып, өлең оқыды. Кейін танымдық сайыспен жалғасты, «Достық», «Мереке», «Халық» топтары қатысты.Сайыс барысында оқушыларға еліміздің басты рәміздері, тарихи оқиғалардың мерзімдері, еліміздің елеулі оқиғалары, атақты тұлғалар туралы сұрақтар қойылды. Іс-шара қызықты өтіп, қатысушылар тәтті сыйлықтармен марапатталды.