Салауатты өмір салтын насихаттау мақсатында мектебімізде түрлі іс-шаралар ұйымдастырылуда. Тәрбие жұмысының жоспарына сәйкес «Біз салауатты өмір салты ұстанамыз!» атты үгіт-насихат топтарының байқауы жалғасуда. Бұл жолы 2-сынып оқушылары өз өнерлерін қазылар алқасына ұсынды. Балалар сайысқа қатысу арқылы денсаулықты сақтау мен нығайтудың маңыздылығын түсіндірді.

 2-сынып оқушылары ұстаздарының жетекшілігімен салауатты өмір салтын насихаттайтын, жаман әдеттердің алдын алатын драмалық, музыкалық, спорттық миниатюралар көрсетті. Көрермендер үгіт-насихат топтарының өнерлерін белсенді түрде қолдады.

Қазылар алқасы байқауға қатысушылардың байыпты дайындығын, жауапкершілігін және әртістігін атап өтіп, бірауыздан барлық командаларға 1-орын берді. Құттықтаймыз!