8 маусым күні «Күн шуағы» мектеп алаңының балалары облыстық қуыршақ театрына барды. Театрда балаларды шынайы өлшемдегі қуыршақтар қарсы алды. Г.Х.Андерсеннің  ертегісі бойынша «Дюймовочка» спектаклі қойылды.Дюймовочканың жүрегі жұмсақ. Ол гүлден туып, Құрбақа, көртышқан, Тышқан және басқа да ертегі кейіпкерлерімен танысады, көптеген достар табады.

Шынымен бақытты болғысы келген кішкентай қыз Дюймовочка туралы ескі, мейірімді, тәтті ертегіні балаларға екі ертегі кейіпкерлері Клумпе-Дампе мен Иведи-Аведи баяндап берді. Актерлер бетперделер мен түрлі қуыршақтарды пайдалана отырып,  сахнада таңғажайып әлем жасады, сол әлемге еніп, өздерінің жақсы адами қарым-қатынастарын құра білді.

Біздің балаларға ертегі өте ұнады, олар алдағы уақытта қуыршақ театрына тағы баруға ұйғарды.