Бүгін Қостанай облыстық тарихи-өлкетану музейінің экскурсиялық және мәдени білім беру жұмыстары бөлімінің қызметкерлері Т.З. Мұханбетқали мен А.А. Қуанышбай Қостанай қаласы білім бөлімінің Ахмет Бірімжанов атындағы жалпы білім беретін мектебінде Жошы ұлысының 800 жылдығына арналған «Жошы хан және оның ұлысы» атты ақпараттық сағат өткізді.
Ақпараттық сағат барысында «7А» сынып оқушылары Алтын Орда мемлекетінің негізін қалаушы, қазақ хандары мен сұлтандарының арғы бабасы Жошы ханның тарихымен танысып, үш топқа бөлініп, берілген тапсырмаларды орындады. Ақпараттық сағат соңында қатысушыларға сыйлықтар табысталды.