2024 жылдың 28 наурызында Қостанай облыстық тарихи-өлкетану музейінің бейнелеу өнері бөлімінің меңгерушісі С.Н. Калинова ұйымдастырушылардың шақыруымен қазақтың белгілі суретшісі, КСРО және Қазақстан Суретшілер одағының мүшесі Сағынтай Әлімбетовты еске алуға арналған «Адам. Табиғат. Уақыт» атты көрмені тамашалады. Көрмені Қазақстан Республикасының Президенттік орталығы «Тәуелсіздіктің мәдени коды» жобасын жүзеге асыру аясында ұйымдастырды. Жобаның кураторы өнертанушы, ҚР Суретшілер одағының мүшесі, ҚР Журналистер одағының мүшесі Жұмағұлова Мария Төлегенқызы болды.