2024 жылғы 3 мамыр күні Қостанай облыстық тарихи-өлкетану музейінің экскурсиялық және мәдени білім беру жұмыстары бөлімінің қызметкері Мұханбетқали Таңшолпан 7 мамыр Отан қорғаушылар күніне арналған «Ұранды елдің ұрпағы қайсар» атты музейлік сабақ өткізді. Музей сабағына Ы. Алтынсарин атындағы мамандандырылған мектеп-гимназия-интернатының 9 сынып оқушылары қатысты. Іс-шара барысында оқушылар топқа бөлініп, ҚР-ның Қарулы күштеріне байланысты түрлі тапсырмалар орындады. Сабақ соңында қатысушыларға естелік сыйлықтар табысталды.