Қазақстан Республикаысның Мәдениет және ақпарат вице-министрі Кочетов Евгений Дмитриевич Қостанай облысына жұмыс іс-сапарымен келді. Жұмыс сапары аясында Е.Д. Кочетов Қостанай облыстық тарихи-өлкетану музейінің бейнелеу өнері бөлімі залында шығармашылық индустрия өкілдерімен кездесу өткізді. Шараға облысымыздың түрлі шығармашылық бағытының өкілдері қатысты. Кездесу барысында Қазақстанда креативті индустрияны дамыту, шығармашылық индустрияға жататын экономикалық қызмет түрлерін оның ішінде музей және кітапхана, зергерлік бұйымдар жасау, мәдениет және демалыс мекемелері, сән және сәулет өнері, тарихи-мәдени мұра және т.б. дамытуға қатысты бірқатар өзекті мәселелер талқыланды.