2024 жылдың 14 қарашасында жазушы, драматург, журналист, қоғам қайраткері, қазақ әдебиетінің негізін қалаушылардың бірі Бейімбет Майлиннің 130 жылдық мерейтойына орай Қостанай қаласының вокзал  алаңында орналасқан Б. Майлиннің ескерткішіне гүл шоқтарын қою рәсімі өтті.

Жерлесімізді құрметтеп, еске алу үшін оның туыс-туғандары, жақындары, және шығармашылығын құрметеуші қауым жиналды.

Сөз Қостанай облысы әкімінің орынбасары Мұхаметқали Ринат Зәкиұлына, журналист, жазушы Аязбеков Жанұзақ Аязбекұлына және «Бейімбет Майлин қоры» ҚҚ-ның президенті, Бейімбет Майлиннің шөбересі Мұстафина Салтанат Абюровнаға берілді.

Қайғылы тағдырына қарамастан Бейімбет Майлиннің мұрасы баршамызды шабыттандырады. Оның шығармалары халықтың құндылықтарын, мәселелері мен тәжірибесін көрсететін қазақ әдебиетінің маңызды бөлігі болып қала береді.