Бүгін мектебімізде оқушылардың салауатты өмір салтын ұстануын насихаттау мақсатында «Кальян шегудің зияны» тақырыбында танымдық шара ұйымдастырылды. Іс-шара барысында оқушыларға кальян шегудің өкпе, жүрек-тамыр жүйесіне және басқа ағзаларға зиянды әсері туралы нақты ғылыми мәліметтер берілді.

Шарада кальян түтінінің құрамындағы зиянды заттар, олардың адам ағзасында жиналып, түрлі қауіпті ауруларға, соның ішінде қатерлі ісік пен жүрек ауруларына алып келетінін түсіндірді. Сондай-ақ, кальян шегудің бауырдың жұмысына кері әсер етіп, жалпы ағзаның интоксикациясына әкелетіні айтылды.

Оқушыларға кальянның қауіптілігі жөнінде арнайы бейнематериалдар көрсетіліп, сарапшылардың пікірі ұсынылды. Қатысушылар арасында талқылау ұйымдастырылып, салауатты өмір салтын насихаттау бойынша ұсыныстар айтылды.

Бұл шара оқушыларға пайдалы ақпарат беріп қана қоймай, олардың зиянды әдеттерден аулақ болуға деген көзқарасын қалыптастыруға бағытталды.