Шара барысында кітапханашы А.Мұсылманбекқызы оқушыларға қала тарихы туралы кітапхана қорындағы әдебиеттерді таныстырды. Сәтбаев қаласының көшелері туралы кітаптар балалардың қызығушылығын тудырды. Олар өз көшелерінің атауы туралы ақпараттармен танысып, білім көкжиектерін кеңейтті. Сәтбаев қаласы туралы жыр шумақтарын оқып, туған қалаға деген өз тілектерін жеткізді. Туған жер туралы білетін мақал-мәтелдер айтудан өзара жарыс өткізді. Шара соңында №3 мектептің 5 «ә» сынып оқушылары жүрекжарды лебіздерін қағаз бетіне түсірді.