«Менің бақытты отбасым» атты асфальтқа және мольбертке сурет салу байқауы және «Әрқашан күн сөнбесін» атты концерттік бағдарлама өтті
23.06
0
Іс-шара барысында балалар «Қызықты ойын алаңында» түрлі спорттық ойындарға қатысып, «Тілектер бағы» аллеясында өз арман-тілектерін жазып, тілек ағаштарына ілу мүмкіндігін алды. Сондай-ақ, іс-шараға қатысушы балалардың ата-аналары да «Тілек ағашына» өздерінің жүрек жарды ризашылық тілектері мен алғыстарын жазып, керемет көріністің куәгерлері болды.
Ал, байқау қатысушылары өз отбасына деген сүйіспеншілігін, арман-қиялынан туындаған суреттерін асфальтқа және мольберт беттеріне түрлі-түсті борлармен және бояулармен түсіріп, шығармашылық қабілеттерін паш етті. Концерттік бағдарлама аясында вокал үйірмесінің оқушылары «Бақыт деген..», «Арлекино», «Сердечки», «Әрқашан күн сөнбесін», «Тұлпар» этно-рок тобы «Қайда», «Эспрессо», дәстүрлі ән үйірмесінің оқушылары «Біз, адаймыз», домбыра үйірмесінің оқушысы «Көзіңнің мөлдірін-ай» әндерімен, би үйірмесінің оқушылары «Үнді», «Театр әлемінде» үйірмесінің оқушылары «Қуыршақ барби», «Di – Family Crew» заманауи би ансамблі «Тебя услышать», «Off the Grid» билерімен көтеріңкі көңіл күй сыйлады.
Байқау жеңімпаздары дәрежелі дипломдармен және арнайы номинациялармен марапатталды. Іс-шара барлық қатысушылар үшін қызыққа толы нағыз жаз мерекесі болды деген сенімдеміз.
