«Қосымша білім берудің кәсіби бағдарлау миссиясы: қызығушылықтан – болашақты таңдау»
14.08
0
2025 жылғы 14 тамызда педагогтердің республикалық тамыз конференциясы аясында Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығының Астанада қаласында болған қосымша білім беру педагогтеріне арналған панельдік секциясы Оқушылар сарайында тікелей көрсетілім арқылы онлайн форматта өтті.
«Қосымша білім берудің кәсіби бағдарлау миссиясы: қызығушылықтан – болашақты таңдау» тақырыбындағы жиынға Мұнайлы аудандық өнер мектебінің, Ақтау қаласы Оқушылар орталығының, «Өрлеу аула» клубының, Абыл Тарақұлы атындағы өнер мектебінің және Оқушылар сарайының педагогтері онлайн қосылды.
Панельдік секция барысында қосымша білім беру жүйесінде болашақ мамандық таңдауға бағыт-бағдар беруге бағытталған жұмыстардың тиімді тұстарын анықтауға және таратуға арналған сұхбат алаңы болып, мамандық таңдау ортасын қалыптастыруда қосымша білім беру ұйымдарының берер ресурстары талқыланды.
