2025 жылғы 19 қыркүйек күні облыстық инновациялық-әдістемелік орталықтың инклюзивті білім беру бөлімінің жұмыс жоспарына сәйкес, Абай облысы білім басқармасының Көкпекті ауданының психологиялық-педагогикалық түзеу кабинетінде семинар-практикум ұйымдастырылды.

Мақсаты – ерекше білім беру қажеттіліктері бар (ЕББҚ) балаларды сапалы сүйемелдеуде түзеу кабинеттерінің қызметін жүйелеу, озық тәжірибелермен алмасу және практикалық қолдауға бағытталған тиімді тәсілдерді айқындау.

Спикерлер өз тәжірибелерімен бөлісті:
• Мадиева Шынар Каримғалиқызы – «ЕББҚ бар балаларға психологиялық-педагогикалық қолдау көрсетудегі түзеу кабинетінің рөлі»;
• Муканова Айнұр Амангелдіқызы – «Аутистік спектрдегі балалардың эмоциясын реттеу және әлеуметтік бейімделу жолдары»;
• Кабдуллина Фидира Далифқызы – «Ұсақ моториканы дамыту бойынша тәрбиешінің жұмысы»;
• Мукатаева Анара Бақытжанқызы – «Дизартриясы бар балалармен жұмыс. Логопедиялық зондтық массаж»;
• Мукатаева Хамида Оралбекқызы – «Numicon әдісі арқылы математикалық дағдыларды дамыту».

Қатысушылар түзеу кабинеттерінің жұмыс жүйесін жетілдіру, жеке білім беру бағдарламаларын әзірлеу, балалардың қажеттіліктерін уақтылы бағалау және тиімді әдістерді қолдану бағытында тәжірибе алмасты.
Бұл семинар-практикум инклюзивті білім беру саласында кәсіби қолдау көрсетіп, өзара тәжірибе алмасуға мүмкіндік берген маңызды алаң болды.