Кездесуде қала және аудан әлеуметтік педагогтері өзара пікір алмасып, өзекті мәселелерді талқылап, тәжірибелерімен бөлісті.

Іс-шара барысында «Адал азамат» біртұтас тәрбие бағдарламасының әлеуметтік қызмет бағытындағы маңызды тұстары қарастырылып, педагогтер тәжірибе таратты.

Бағдарлама мақсаты –
қазақстандық мәдениет құндылықтары негізінде
азаматтық жауапкершілігі жоғары,
парасатты, адал, рухани-адамгершілік қасиеттері қалыптасқан тұлға тәрбиелеу.

«Адал азамат» бағдарламасы келесі негізгі бағыттарды қамтиды:
Тәуелсіздік және отаншылдық
Бірлік және ынтымақ
Әділдік және жауапкершілік
Заң және тәртіп
Еңбекқорлық және кәсіби біліктілік
Жасампаздық және жаңашылдық

Осы құндылықтар аясында білім беру мекемелерінде әлеуметтік қызметті тиімді жүзеге асыру тетіктері нақтыланды.

Тәжірибелік алаң барысында төмендегі облыстық жобалар аясындағы табысты тәжірибелер ұсынылды:
«Бірлік және ынтымақ»
«Толық адам» ілімі негізінде ата-аналар институтын қалыптастыру
«Өнеге. Тәлім. Тәрбие»
«10 кітап – бір мақсат»
«Қыздар тәрбиесі: дәстүр және заманауи үдерістер»

Бұл жобалар «Адал азамат» бағдарламасын іске асырудағы әлеуметтік педагогтердің маңызды үлесін көрсетті.

Әлеуметтік педагогтер қауымдастығына белсенді ұстанымдары мен рухани құндылықтарды дәріптеу жолындағы еңбектері үшін алғыс білдіреміз.