Жобаның мақсаты
Қазақстанда тілдік білім берудің сапасы мен қолжетімділігін арттыру, соның ішінде оқу үлгерімі бойынша тәуекел тобындағы оқушылар үшін цифрлық ресурстар мен локализацияланған аралас оқыту үлгілерін енгізу арқылы қолдау көрсету.

Жобаның географиясы
Пилоттық кезеңде бастама Семей қаласының үш мектебінде іске асырылуда:
№10 орта мектеп, №20 орта мектеп, №50 орта мектеп.

Бұл әртүрлі дайындық деңгейіндегі балаларды қамтып, қазақ, орыс және ағылшын тілдерін цифрлық технологиялар арқылы тең мүмкіндіктермен меңгеруге жағдай жасайды.

Жұмыстың негізгі бағыттары:
• Akelius платформасында қазақ тілінің A0–A1 деңгейлеріне арналған цифрлық курсты апробациялау және масштабтау;
• ИКТ-инфрақұрылымы шектеулі мектептерде цифрлық білім беруге қолжетімділікті кеңейту;
• Инклюзивті цифрлық педагогика, аралас оқытуды басқару және жеке білім беру траекторияларын құру бойынша мұғалімдердің кәсіби құзыреттерін дамыту;
• Akelius әдістемесін білім беру жүйесіне ұзақ мерзімді енгізуге арналған тәжірибе және әдістемелік шешімдермен тұрақты алмасу тетіктерін қалыптастыру.

Күтілетін нәтижелер:
• Қазіргі заманғы цифрлық құралдарды қолдану арқылы оқушылардың тілдік дайындығын жақсарту;
• Педагогтердің цифрлық және әдістемелік құзыреттерін арттыру;
• Ұлттық стандарттар мен білім беруді цифрландыру мақсаттарына сәйкес келетін тұрақты аралас оқыту моделін қалыптастыру.

Akelius бастамасының Семей қаласында іске қосылуы – әрбір оқушыны қолдауға бағытталған заманауи, инклюзивті және технологиялық білім беру ортасын дамытудағы маңызды қадам.