⚡️«Семей медицина университеті» КеАҚ базасында мемлекеттік және қоғамдық құрылымдардың, білім беру ұйымдарының, мәдениет мекемелерінің өкілдері мен студент жастардың қатысуымен Инклюзивті Ассамблеяның отырысы өтті.

Кездесуге салалық мекемелердің басшылары, мәслихат депутаттары, жоғары оқу орындарының оқытушылары, инклюзивті білім беру, спорт және әлеуметтік қолдау саласының мамандары, сондай-ақ ерекше білім беру қажеттіліктері бар азаматтармен жұмыс істейтін ұйымдардың өкілдері қатысты. Талқылауға инклюзивті спортты дамытуға өз үлесімен қолдау көрсетіп жүрген жаппай шаңғы жарысына қатысушылар да қосылды.

Кездесу барысында білім, мәдениет, спорт және әлеуметтік қолдау салаларында ынтымақтастықты кеңейту, тәжірибе алмасу және бірлескен бастамаларды жүзеге асыру мәселелері қарастырылды. Қатысушылар өз тәжірибелерімен бөлісіп, өңірлік деңгейде инклюзивті жобаларды дамытуға қатысты ұсыныстарын білдірді.

Отырыс мемлекеттік органдардың, қоғамдық институттардың және білім беру қауымдастығының күш-жігерін біріктіріп, өңір тұрғындары үшін қолжетімді әрі ашық орта қалыптастыруға бағытталған ашық диалог алаңына айналды.