Физика пәні педагогтерінің қауымдастық отырысы өтті.

Мақсаты: Физика пәнін оқыту барысында цифрлық білім беру ресурстарын тиімді қолдану жолдарын көрсету, мұғалімдердің цифрлық құзыреттілігін арттыру және сабақта оқушылардың танымдық белсенділігі мен оқу нәтижесін жақсартуға ықпал ету.

Отырыс барысында облыстық инновациялық-әдістемелік орталығының әдіскері
Д. Т. Конысбек физика сабақтарында цифрлық білім беру ресурстарын мақсатты әрі тиімді қолдану - оқушылардың пәнге деген қызығушылығын арттырып, оқу материалын терең түсінуге мүмкіндік беретініне тоқталды. Курчатов қаласы білім бөлімінің № 4 жалпы орта білім беретін мектебінің физика пәні мұғалімі З. С. Темирбекова «Физикалық құбылыстарды цифрлық симуляция арқылы түсіндіру» тақырыбында цифрлық симуляциялар арқылы физикалық құбылыстарды түсіндіру оқушылардың пәнге қызығушылығын арттыру, ғылыми ойлауын қалыптастыру және теориялық заңдылықтарды терең әрі көрнекі меңгертуге болатынына тоқталды. Жаңасемей ауданы білім бөлімінің Шақаман жалпы орта білім беретін мектебінің физика пәні мұғалімі Б. Жаукенова «Физика мен ойын синергиясы: оқытудағы жаңа бағыт» тақырыбында физика мен ойынның синергиясы физикалық заңдар мен ұғымдарды оқушыларға ойын арқылы түсіндіру, яғни ойын тәсілдерін оқу үрдісіне кіріктіре отырып, білімді тиімді меңгертудің инновациялық жолы екендігін айта келе, оқушылардың қызығушылығын оятып, күрделі физикалық құбылыстарды өмірмен байланыстыра түсіндіруге мүмкіндік беретіні туралы өз іс-тәжірибесімен бөлісті.