Абай облысының инновациялық-әдістемелік орталығының жұмыс жоспарына сәйкес 2026 жылғы 16 қаңтар күні онлайн форматта «ИИ как персональный тьютор: Использование чат-ботов (ChatGPT, Gemini) для индивидуализации заданий по орфографии и пунктуации» тақырыбында орыс тілі мен әдебиет пәні қауымдастығының ІІ отырысы өтті.

Кездесудің басты мақсаты: нейрожелілерді «ойын құралдарынан» тиімді жеке тьюторларға айналдыру.
Пән қауымдастық отырысының модераторы - орта білім берудегі оқыту мазмұны бөлімінің орыс тілі мен әдебиет пәні әдіскері
А.К. Нуркубаева.
Спикер: Astana Hub жобасының жасанды интеллект және Game Development бағыттары бойынша курсанты, Семей қаласының № 7 ЖОББМ-лицейі информатика пәнінің мұғалімі Сангалиева Гульмира Калелкановна.

Қауымдастық отырыста орыс тілі мен әдебиетін оқытуда, атап айтқанда оқушылардың орфографиялық және пунктуациялық дағдыларын қалыптастыруда жасанды интеллект құралдарын пайдалану мүмкіндіктерін ашуға бағытталды.
Отырыс соңында орыс тілі мен әдебиетін оқытуда жасанды интеллект құралдарын пайдалануға арналған онлайн-семинардың тиімділігін бағалау мақсатында қатысушылардың қорытынды рефлексиясы өткізілді. Сауалнама пайдалылық дәрежесін, ұсынылған материалдың практикалық маңыздылық деңгейін, педагогтердің кәсіби қызметте ЖИ құралдарды пайдалануға дайындығын анықтауға, сондай-ақ қатысушылардан сапалы кері байланыс алуға мүмкіндік берді.