Білім беру мазмұнын жаңарту және педагогтердің кәсіби құзыреттілігін арттыру мақсатында “Алматыкітап” баспасы өкілдерінің қатысуымен семинар-тренинг ұйымдастырылды. Аталған іс-шара барысында «Алматыкітап» баспасының 4-сыныпқа арналған жаңартылған оқулықтары таныстырылды.
Семинар аясында келесі пәндер бойынша оқулықтардың мазмұны мен әдістемелік ерекшеліктері кеңінен қамтылды: «Әдебиеттік оқу», «Математика», «Дүниетану», «Русский язык», «Литературное чтение», «Қазақ тілі» (оқыту қазақ тілінде емес), «Математика» (оқыту қазақ тілінде емес), «Познание мира».
Іс-шара барысында оқулықтардың жаңартылған білім беру бағдарламасына сәйкестігі, тапсырмалардың оқушылардың жас ерекшеліктеріне бейімделуі, функционалдық сауаттылықты дамытуға бағытталуы және мұғалімдерге арналған әдістемелік қолдау тетіктері жан-жақты түсіндірілді. Сонымен қатар, педагогтерге сабақ үдерісін жоспарлауда құндылыққа негізделген TOPIQ бірыңғай платформасының жұмысы таныстырылып, QAMQOR жасанды интеллектісінің алгоритмі ұсынылды.
Семинар-тренинг педагогтер үшін тәжірибе алмасуға, кәсіби білімін жетілдіруге және оқу үдерісін тиімді ұйымдастырудың жаңа тәсілдерін меңгеруге зор мүмкіндік берді. @almatykitap_official#абайоблысы#алматыкітап
