Еліміздің барлық білім ордаларында бүгін мереке! Біздің де №32 мектеп-гимназиямызда үлкен мереке!
Қолдарындағы гүл шоқтарымен мектебімізге ағылып жатқан 1-сынып оқушылары ерекше көңіл-күй сыйлайды. Мектеп алаңындағы кортта оқушылар сапқа тұрып, мерекелік сап түзеу Қазақстан Республикасының туын енгізіп, гимін орындаумен басталды. Мектеп директоры Байтас Гүлшат Берікбайқызының құттықтау сөзінен кейін, қадірменді қонағымыз Астана қаласы Білім басқармасының бас маманы –Темирлина Лариса Шукиралиевна бүлдіршіндерімізді, ата-аналар мен келген қонақтарды бүгінгі мерекемен құттықтады. 11-сынып оқушылары «Алтын белгі» үміткері Мелконян Серо мен үздік оқушымыз Дүйсен Сабина 1-сынып оқушыларын, қонақтарды мерекемен құттықтап 1-сынып оқушылары Рахметова Карина мен Ғұмаров Рахатпен бірге алғашқы қоңырау соқты. Тамаша көңіл-күймен 1-сынып оқушылары өз сыныптарына жол тартты. Алдағы оқу жылы жетістік пен табысқа толы жыл болғай!https://www.instagram.com/reel/C_X-fFqMIbe/?igsh=MWx3NmdxcnF2M3A4aw==