26 наурыз күні 4-сынып мұғалімдерінің әдістемелік бірлестігінің «МОДО» оқушыларын тестілеуге дайындау және өткізу мәселесіне арналған отырысы өтті.

Кездесу барысында білім алушылардың білім жетістіктерін мониторингтеуді ұйымдастыру және өткізуге қатысты негізгі мәселелер қарастырылып, тапсырмаларға қойылатын талаптар талданды, сондай-ақ оқушыларды дайындаудың тиімді әдістері талқыланды.

Педагогтер өзара тәжірибе алмасып, туындаған қиындықтарды талқылады және білім сапасын арттыру мен тестілеуден сәтті өту жолдарын айқындады. Дайындық кезеңінде білім алушыларға қолайлы жағдай жасауға ерекше назар аударылды.

Әріптестерге белсенді қатысқандары және білім сапасын арттыруға деген ұмтылыстары үшін алғыс білдіреміз!