ОБЛЫСЫМЫЗДЫҢ КӨРКЕМ ЕҢБЕК ПӘНІ МҰҒАЛІМДЕРІ «ШАБЫТ» ЖОБАСЫ АЯСЫНДА РЕСПУБЛИКАЛЫҚ ДЕҢГЕЙДЕ ТӘЖІРИБЕ ТАРАТТЫ.

⚡️«Адал азамат» біртұтас тәрбие бағдарламасының «Шабыт» жобасы аясында «AR/VR технологияларын көркем еңбек сабақтарында қолдану мүмкіндіктері» республикалық ғылыми-практикалық семинарында облысымыздың көркем еңбек пәні мұғалімдері А. Омарова (Жаңасемей ауданы,) А. Токенова (Курчатов қаласы,) М. Абдыкаримов (Семей қаласы,) М. Жексембаева, Ж. Маратова (Ақсуат ауданы) өз тәжірибелерімен бөлісті.
Іс-шара Ы.Алтынсарин атындағы Ұлттық білім академиясының ұйымдастыруымен өткізілді.
Семинардың мақсаты – AR/VR технологияларын көркем еңбек пәніне тиімді кіріктіру жолдарын талқылау, педагогтердің цифрлық құзыреттілігін арттыру және озық тәжірибені тарату.
Семинар барысында авторлық жобалар таныстырылып, 3D модельдеу, STEAM, жасанды интеллект, виртуалды шеберханалар, робототехника бағыттары бойынша тәжірибелер көрсетілді. Сонымен қатар, интерактивті шеберлік сыныптары ұйымдастырылып, сәндік-қолданбалы өнер және қолөнер бұйымдарының көрмесі өтті.
Іс-шара көркем еңбек пәнін оқытуда заманауи цифрлық технологияларды тиімді қолдануға бағытталған маңызды кәсіби алаңға айналды.