16 ақпан 2026 жылы Абай облысы Білім басқармасының Облыстық инновациялық-әдістемелік орталығының орта білім берудегі оқыту мазмұны бөлімінің жұмыс жоспарына сәйкес орыс тілі мен әдебиеті пәні мұғалімдері қауымдастығының кезекті отырысы өтті. Жиын «Оқушыларды қорытынды аттестаттауға дайындау әдістемесі» атты өзекті тақырыпқа арналды.
Кездесудің мақсаты: оқу процесіне заманауи педагогикалық технологияларды енгізу бойынша тәжірибе алмасу; емтиханға дайындық кезінде жасанды интеллектіні қолдану мүмкіндіктерін талқылау; қорытынды аттестаттау кезеңінде оқушыларды әдістемелік сүйемелдеудің бірыңғай тәсілдерін әзірлеу.
Үржар, Көкпекті аудандары мен Курчатов қаласының мұғалімдері өз жұмыс тәжірибелерімен бөлісті: Мухамадиева Толкын Байанбаевна; Бекбаева Айнур Курмановна; Кобельдесова Айнур Жакановна; Сулейменова Жазира Рахымжановна; Сарсембаева Айнур Габдулважитовна; Утовлинова Аиша Берикболовна; Темиржанова Гулсара Берикбаевна; Токтасынова Нургуль Аскарбековна.
Отырысты қорытындылай келе, қатысушылар ұсынылған докладтар практикалық маңыздылығы жоғары екенін атап өтті. Ұсынылған әдістемелер мен ұсынымдар Абай облысының жалпы білім беретін мектептерінің оқу процесіне енгізілетін болады. Бұл түлектерді даярлау жұмысын жүйелеуге және алдағы қорытынды аттестаттауда сапалы нәтижелерді қамтамасыз етуге мүмкіндік береді. Мұғалімдер қауымдастығының мұндай кездесулері өңір педагогтарының кәсіби дамуы мен әдістемелік қолдаудың маңызды құралы болып қала береді.