Абай облысында техникалық және кәсіптік білім беру (ТжКББ) жүйесінің сапасын арттыру және алдағы «WorldSkills Abai-2026», «AgroSkills Abai-2026» өңірлік чемпионаттарына дайындалу мақсатында Семей қаласынын Геологиялық барлау колледжі базасында «Болашақтың негізгі құзыреттері» ауқымды Форсайт-семинары өтуде.

Іс-шараның негізгі мақсаты:

Жұмысшы кәсіптерінің беделін арттыру, халықаралық стандарттарға сай жоғары білікті кадрларды даярлау және алдағы чемпионаттардың
36 құзыреттілігі бойынша конкурстық тапсырмаларын (модульдерін) кәсіби деңгейде әзірлеу.

Семинар жұмысына облысымыздың 27 колледжінен 100-ден астам жетекші арнайы пән оқытушысы мен өндірістік оқыту шеберлері қатысуда. Бұл - өз саласының үздік мамандары мен болашақ чемпиондарды тәрбиелейтін негізгі тәлімгерлер шоғыры.

Семинар модераторы - облыстық инновациялық-әдістемелік орталығының техникалық және кәсіптік білім беру процесін сүйемелдеу бөлімінің әдіскері Аукишева Мейрамгүл Маулитқызы.

Форсайт-семинар қорытындысы бойынша «WorldSkills Abai-2026» және «AgroSkills Abai-2026» өңірлік чемпионаттарының ресми тапсырмалар пакеті мен бағалау критерийлері бекітілетін болады.

Биылғы жылы бұл чемпионаттарды сәуір айының 23-24 күндері және мамыр айының 11-15 аралығында өткізу жоспарланып тұр.