Абай облысында білім алушыларға сапалы тілдік білімге тең қолжетімділік беру мақсатында жүзеге асырылып жатқан Akelius цифрлық тілдерді оқыту пилоттық жобасы аясында кезекті онлайн отырыс өтті. Отырысқа Семей қаласының №10, №20, №50 мектептерінен 15 педагог және үйлестіруші әдіскерлер қатысты. Отырыс барысында: • жоба аясында атқарылған жұмыстардың қорытындысы тыңдалды; • платформамен жұмыс тәжірибесі мен кері байланыс нәтижелері талқыланды; • жобаны әрі қарай дамыту және масштабтау мүмкіндіктері қарастырылды. Кездесу аясында педагогтар Akelius платформасын пайдалана отырып, сабақтардың үзінділерін көрсетті және оны білім беру процесінде қолданудың практикалық тәжірибесімен бөлісті.
