Оқушыларға Халықаралық музейлер күніне арналған «Дәуірлер диалогы: өткеннен болашаққа» атты музейлік лекторий өткізілді. Іс-шара барысында қатысушылар музей ісінің тарихымен танысып, музейлердің мәдени мұраны сақтаудағы маңызы және заманауи технологиялардың музей кеңістігін дамытудағы рөлі туралы мәлімет алды.

Лекторий танымдық презентациямен, тарихи жәдігерлер туралы әңгімелермен және әлемге әйгілі музейлер жайлы қызықты деректермен толықтырылды. Оқушылар пікірталасқа белсенді қатысып, өз ойларымен бөлісіп, болашақ музейінің қандай болатыны жөнінде ой қозғады.

Іс-шара оқушылардың дүниетанымын кеңейтіп, тарихқа, мәдениетке және рухани құндылықтарды сақтауға деген қызығушылығын арттырды.