📚Болашақ бірінші сынып оқушыларының ата-аналары назарына! Қазақстан Республикасының Оқу-ағарту министрлігі білім беру ұйымдарына қабылдау қағидаларына өзгерістер енгізді.
🧬2026 жылы бірінші сыныпқа қабылдау ел өңірлерінде кезең-кезеңімен, 27 мамырдан бастап жүргізіледі. Бұл шешім eGov.kz порталына түсетін жүктемені азайту мақсатында қабылданды.
Абай облысында бірінші сыныпқа қабылдау 27 мамыр мен 9 маусым аралығында, Жетісу, Қызылорда және Батыс Қазақстан облыстарымен, сондай-ақ Астана қаласымен бір мезгілде жүргізіледі.
Сонымен қатар, қандай да бір себептермен көрсетілген мерзімде құжат тапсырып үлгермеген ата-аналар үшін 11 шілде мен 31 тамыз аралығында қайта қабылдау жүзеге асырылады.
Қазақстан азаматтары үшін мектепке қабылдауға қажетті құжаттар тізімі (портал арқылы):
1) Ата-анасының немесе заңды өкілдерінің өтініші;
2) № 065-у нысанындағы денсаулық жағдайы туралы анықтама және № 052-2/у баланың денсаулық паспорты;
3) 3х4 см өлшеміндегі фотосурет (2 дана).

Сонымен қатар, биылдан бастап мектеп жанындағы даярлық сыныптарының тәрбиеленушілері ата-анасының немесе олардың орнындағы тұлғалардың өтініші негізінде бірінші сыныпқа автоматты түрде қабылданатынына назарларыңызды ауда�

📝Мектептердің құжаттарды қабылдаудан бас тарту себептері:
1. Ұсынылған құжаттардың талаптарға сәйкес келмеуі (фотосурет, медициналық анықтама, денсаулық паспортының дұрыс болмауы);
2. Ұсынылған құжаттардың шынайылығының расталмауы;
3. Сыныптардың толып кетуі (қалаларда);
4. Мектеп микроауданына жатпайтын балалар үшін бос орындардың болмауы (қалаларда).
Балаларды мектепке қабылдау тәртібі 2018 жылғы 12 қазандағы № 564 бұйрықпен бекітілген Үлгілік қағидаларда айқындалған.