ҚАЗАҚСТАН РЕСПУБЛИКАСЫНЫҢ ЖАҢА КОНСТИТУЦИЯСЫ ПЕДАГОГТЕРГЕ ТҮСІНДІРІЛДІ

2026 жылғы 14 сәуір күні Облыстық инновациялық -әдістемелік орталығы мамандарының үйлестіруімен ұстаздар қауымына елдің Қазақстан Республикасы Конституциясының жаңашыл ережелері мен құндылықтарын кеңінен таныстыру, сондай-ақ қоғамдағы саяси тұрақтылықтың маңызын терең түсіндіру мақсатында «Өскелең ұрпаққа Қазақстан Республикасының жаңа Конституциясының негізгі бағыттарын түсіндіру» тақырыбында диалогтік алаң ұйымдастырылды. Іс-шара барысында педагогтер Конституцияның басты қағидаттары - адам құқықтары мен бостандықтарының басымдығы, заң үстемдігі, әділдік пен жауапкершілік секілді құндылықтардың мәнін талқылады. Сонымен қатар, жаңа өзгерістердің білім беру саласына ықпалы, жас ұрпақтың құқықтық сауаттылығын арттыру жолдары кеңінен насихатталды. Диалогтік алаң еркін пікір алмасу форматында өтіп, қатысушылар өз ойларын ортаға салып, тәжірибе бөлісті. Мұндай кездесулер ұстаздардың кәсіби көзқарасын кеңейтіп қана қоймай, оқушыларға сапалы құқықтық тәрбие беруге жаңа серпін береді.