Мыңнан жүйрік, жүзден тұлпар Республикалық дарынды оқушылар порталы ұйымдастырған қашықтықтан өткізілген олимпиададан Семиполка орта мектебінің 2 "а", 4 "а" сынып оқушылары жүлделі орындарды жеңіп алды. Оқушылар әртүрлі номинацияда өз білімдерін шыңдады. 4 "а" сынып оқушысы Туребеков Оразалы "Нұр себеле, Ұлыстың Ұлы күні" номинациясында I жүлделі орын дипломымен марапатталса, Жұмағайыр Әлихан мен Садуов Дамир "Ана - өмір, ана - бақ" номинациясында II жүлделі орынға ие болды. Осы номинация бойынша Калелов Алдияр III орын дипломымен марапатталды. Сондай-ақ 2 "а" сынып оқушысы Қатранқызы Диана "Біз Мұқағалиды оқимыз" мәнерлеп оқу сайысынан III орын дипломымен марапатталса, Қожантаева Мақпал мен Мукушев Сейташ "Менің Отаным - менің мақтанышым!" номинациясынан III жүлделі орын дипломын иеленді. Осындай дарынды оқушыларды дайындап, жетекшілік еткені үшін бастауыш сынып мұғалімі Сыздықова Асем Аукешқызы "Алғыс хатпен" марапатталды. Оқушылардың жетістіктері биіктен көріне берсін!
