Қош бол, бастауыш сыныбым! Оқу жылы аяқталып, 4-ші сынып оқушыларына төрт жыл бойы мәпелеп, балалық шақтарының қызықты шақтары өткен бастауыш сыныптарымен қоштасатын сәт те келіп жетті. 4-ші сынып оқушылары мен ата-аналар салтанатты кешке жиналды. Оқушылар бастауыш сыныппен қоштасу сәттеріне арналған өздерінің жылы лебіздері мен өлеңдерін оқыды, мектеп туралы және алғаш қолдарына қалам ұстатып, әріп танытып, жазуға, оқуға үйреткен алғашқы ұстаздарына ән шырқады. Кеште бастауышта үйренген өнерлерін ортаға салып әр ұлттың биін биледі. Мектеп директоры 4-ші сынып оқушыларына "Бастауыш сыныппен қоштасы" дипломын ұсынды. Кеште ата-аналар бала тәрбиесіне көп көңіл бөліп, мектеп өміріне белсене араласқаны үшін алғыс хаттармен марапатталды. Кешті оқушылар мектеп вальсімен аяқтады.
