14 қазан күні Бидайық орта мектебінің жанындағы “Қарлығаш” шағын орталығында “Арайлы Алтын Күз” атты мерекелік ертеңгілік өткізілді. Мақсаты: Күз мезгілінің ерекшеліктерін ұғындыру, күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс — әрекеттерге тарту, бейімділіктерін арттыру. Шығармашылық ой — қиялдарының дамуына ықпал ету. Ата — аналар қауымымен тығыз қарым – қатынас қалыптастыру. Осындай мақсат кою барысында бүлдіршіндеріміз бар өнерлерін ортаға салды. Ән айтып, би билеп, ойындар ойнатылып, тақпақтарын оқып, ертеңгілікке келген қонақтарымызды қуантты. Қолөнерден де жай қалмады. Бәріне алуан түрлі жеміс, көкөніс киімдері тігілді. Соңында, балапандарға сыйлықтар мен белсенділіктері үшін мадақтама берілді. Және ата -аналармен бірлесе отыра тәтті күз сыйымен дастархан басында кездестік.
