Мұқағали Мақатаев атындағы тірек орта мектебінде (РО) директордың эксперимент ісі жөніндегі орынбасары Джексенбаева Баян Ниятуллақызының және математика пән мұғалімі Иманбаева Сәуле Жақсылыққызының ұйымдастырумен “2024-2025 оқу жылында инклюзивті білім алатын оқушылармен жүргізілетін жұмыстың ерекшеліктері” тақырыбында ауқымды семинар өтті.

Ерекше білім беруді қажет ететін балаларды табысты оқыту, дамыту және әлеуметтік-психологиялық және педагогикалық жағдайлар жасау мақсатында мұғалімдерге бағыт-бағдар берілді.

Бұл семинардың ерекшелігі әр мұғалім өзіне құнды ақпарат ала отырып, оқулықтарды, оқу құралдарын, жұмыс дәптерлерін, іріктеу және оқу материалдарын дайындау жеке оқу бағдарламасының мазмұнына және оқытудың қолданылатын әдістеріне толық тоқталып, түсіндерме жұмысы жүргізілді.

Семинарға келген мұғалімдер өзінің көкейінде мазалап жүрген сұрақтарға жауап алып, оқу барысында оқушыға көмек көрсету мәселелерін ұжымдық тәсілмен шешу жолдарын ұғынып қайтты.

Жиын барысында әр пән мұғалімдері жыл бойында осындай семинардың үздіксіз өтілуін сұрады.

Семинар соңында Баян Ниятуллақызы мұғалімдерге алдағы оқу жылына сәттілік тілеп, жылы лебізін білдірді