Фильмнің басты кейіпкері ауыл мектебінің түлегі, математика пәні мұғалімі -Ілияс Мұратұлы. Жас ұстаздың туған ауылына оралуы, өзі оқыған мектепте жұмыс істеуі, оқушылармен қарым-қатынасы, мұғалімдердің күнделікті өмірі, олардың еңбегінің маңызы, жетістіктері, қызығушылықтары, тәжірибесі мен білімі жайлы көрсетіледі. Мұғалімнің беделі, шәкірттерін білім бәсекесіне қабілетті етуге ұмтылысы мен жаңашылдығы, сондай-ақ, педагогикалық қызметтің қиындығы мен қызығы көрініс табады. «Мұғалім - қоғамның, басты кейіпкеріне айналуы керек» деген оймен үндескен, оқушыларға ой салатын , тағылымы мол фильм. 
